ڕۆژی پێنجشه‌ممه ٢٠ خه‌رمانان، كاربه‌ده‌ستانی قه‌زایی ڕژیم بۆ سێهه‌مین جار حوكمی ئێعدامی حه‌وت به‌ندكراوی سیاسی به‌ناوه‌كانی “فه‌رهاد سه‌لیمی، قاسم ئابسته، داوود عه‌بدوڵڵایی، ئه‌یووب كه‌ریمی، ئه‌نوه‌ر خزری، خسرۆ به‌شاره‌ت و كامڕان شێخه”یان پشتڕاست كرده‌وه.
به‌پێی ئه‌م ڕاپۆرته، ئه‌م حوكمه به‌دوای ١١ ساڵ بیلاته‌كلیفی له زیندانه‌كانی ورمێ، ئێوین و ڕه‌جایی شاری كه‌رج له لایه‌ن لقی ٣٨ی دیوانی باڵای وڵات سه‌رله‌نوێ ته‌ئید كراوه. پێشتریش حوكمی ئێعدامی ئه‌م كه‌سانه له لایه‌ن لقه‌كانی ٤١ و ٤٢ی دیوانی باڵای وڵاته‌وه پشتڕاست كرابوویه‌وه. ئه‌م حه‌وت كه‌سه به تۆمه‌تی “هه‌وڵدان له‌دژی ئه‌منییه‌تی میللی”، “پڕۆپاگاندا له‌دژی نیزام”، “ئه‌ندامبوون له یه‌كێك له حیزبه دژبه‌ره‌كانی ڕژیم”، “فه‌سادولفیل ئه‌رز” و “مه‌حاره‌به” تاوانبار كراون. شایانی باسه، ئه‌م به‌ندكراوانه هه‌تا ئێستا چه‌ندین جار به شێوه‌ی جۆراوجۆر له‌وانه مانگرتن له خواردن، له‌ئاست بارودۆخی خۆیان ناڕه‌زایه‌تییان ده‌ربڕیوه.
پشتڕاست بوونه‌وه‌ی حوكمی ئێعدامی ٧ به‌ندكراوی سیاسیی
