ڕۆژی شه‌ممه ١٦ی خاكه‌لێوه‌ی ١٤٠٤، ئه‌ندامانی ئه‌نجوومه‌نی سه‌روی سه‌وزی داڵاهوو له شارستانی كرێندی غه‌رب، له هه‌ڵمه‌تێك دا ژینگه و سرووشتی ئه‌و شاره‌یان له زبڵ و پاشماوه پاك كرده‌وه.
به‌پێی ئه‌و وێنانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، ئه‌ندامانی ئه‌نجوومه‌نی سه‌روی سه‌وز هاوڕێ له‌گه‌ڵ بنه‌ماڵه‌كانیان په‌یوست به‌و چالاكییه بوون و له په‌یامێك دا داوایان له خه‌ڵكی كوردستان كرد: خۆیان له ئاست پاراستنی ژینگه به به‌رپرسیار بزانن. ژینگه‌پارێزانی كرێند هه‌روه‌ها داوایان له گه‌شتیاران كرد: كاتێك سه‌ردانی سه‌یرانگه‌كان ده‌كه‌ن زبڵ و پاشماوه به‌دوای خۆیان دا به‌جێ نه‌هێڵن.