له ساڵانی ڕابردوودا، ده‌ریاچه‌ی ورمێ كه ڕۆژانێك ٢٥ه‌مین ده‌ریاچه‌ی دونیا له ڕوی ڕووبه‌ره‌وه بووه، به هۆی ناكارامه‌یی به‌رپرسانی كۆماری ئیسلامی وشكبووه و ئێسا به ته‌نیا كه‌متر له یه‌ك ملیار متری سێجا ئاوی هه‌یه.
ڕووبه‌ری گۆلی ورمێ له ساڵی ١٣٧٧ی هه‌تاویدا نزیكه‌ی ٦ هه‌زار كیلومه‌تری چوارگۆشه بووه، به ڵام به هۆی هه‌وڵی ڕژیمی كۆماری ئیسلامی بۆ ده‌رهێنانی ماده كانزاییه‌كان و له‌م دواییه‌دا بۆ ده‌رهێنانی لیتیۆم، ئه‌و ده‌ریاچه به ڕێژه‌یه‌كی به‌رچاو وشكبووه و ئێستا له لاوازترین حاڵه‌تی خۆیدایه.