ڕۆژی یەکشەممە ۶ی ڕەزبەر، ناوچەی دێرەزور لە باکور و ڕۆژئاوای سووریا لە لایەن چەکدارانیداعشەوە کرایە ئامانج و هێزەکانی سووریای دیمۆکراتیک بەرپەرچی هێرشەکانیان دایەوە.
بە پێی ڕاپۆرتی ناوەدندی ڕاگەیاندنی هێزەکانی سووریای دیمۆکراتیک، بە هۆی هێرشی چەکدارانی داعش بۆ سەر شارۆچکەی (ئۆبریها) سەر بە دێرەزور، بۆ سەر بنکە و بارەگاکانی هێزەکانیان، ۴ شەرڤانی هێزەکانی سووریای دیمۆکراتیک گیانیان بەخت کرد و یەکێک لە چەکدارانی داعش کوژرا. جێگای ئاماژەیە، لە ڕۆژانی ڕابردوودا بە هۆی هێرشی چەکدارانی داعش و هێزەکانی سەر بە حکومەتی نوێی سووریا بۆ سەر ناوچە جیاوازەکانی ڕۆژئاوای کوردستان، بە ڵانیکەم ۱۳ شەرڤان گیانیان بەختکردووە و چەند کەسی دیکەش بە سەختی بریندار و لە دۆخێکی خراپی تەندروستیدان.