به پێی ڕاپۆرته بڵاوكراوه‌كان، له ئه‌نجامی هێرشێكی چه‌كداری لە شاری ڤییه‌ن پایتەختی ئۆتڕیش، سێ کەس گیانیان لەدەستدا و زیاتر لە ١٥ کەسی دیکەش برینداربوون.
هاوكات میدیاکانی ئۆتڕیش رایانگەیاندووه، شەوی رابردوو، چەند چەکدارێکی نەناسراو هێرشیانکردووەتە سەر ناوچەیەک لە دەوروبەری کنێستێکی جولەکەکان لە ڤییه‌ن پێته‌ختی ئه‌م وڵاته و بەهۆیه‌وه، سێ کەس گیانیان لەدەستدا و زیاتر لە ١٥ کەسیش برینداربوون. هه‌روه‌ها وەزیری ناوخۆی ئۆتڕیش رایگەیاندووە، کە پۆلیس لە ناوچەکەدا بڵاوکراونەتەوە و دەستیان بە ئەنجامدانی ئۆپراسیۆنێکی بەرفراوان لەو ناوچەیە كه رووداوەکە تیایدا روویداوە کردووە.