شەوی ڕابردوو و لە درێژەی هێرشەکانی ڕژیمی کۆماری ئیسلامی بۆ سەر حیزبەکانی ڕۆژهەڵاتی کوردستان، چەند پەهپادێک ئاراستەی بارەگاکانی حیزبەکان کرا.
بەپێی دوایین هەواڵەکان، بارەگاکانی حیزبی دیمۆکراتی کوردستانی ئێران لە ناوچەی ئامیریە و هەروەها کەمپی “ئازادی” شوێنی نیشتەجێبوونی بنەماڵەکانی ئەو حیزبە، لە لایەن ڕژیمی کۆماری ئیسلامییەوە بە چەندین پەهپادی ئینتحاری بە ئامانج گراوە. شایانی باسە کە ئەو هێرشانە زیانی گیانی نەبووە، بەڵام زیانی زۆری ماددی بەر شوێنی نیشتەجێبوونی بنەماڵەکان کەوتووە.