شه‌وی دووشه‌ممه ٢ی مانگی گه‌لاوێژ، هێزه‌كانی شاره‌داری و مه‌ئموورانی ئینتزامی له شاری ئیلام به مه‌به‌ستی ڕووخاندنی ماڵی دوو هاووڵاتی هێرشیان كرده سه‌ر دانیشتووانی شه‌قامی حه‌فتی تیر و تێكهه‌ڵچوون ڕوویدا.
به‌وته‌ی هاووڵاتیان، هێزه‌كانی ئینتزامی و مه‌ئموورانی شاره‌داری ئیلام له كاتی شه‌و و به لۆدێر هێرشیان كردۆته سه‌ر دوو ماڵ له كۆتایی شه‌قامی حه‌فتی تیر و هیچ بایه‌خێكیان به دانیشتووی نێو خانووه‌كان نه‌داوه. دانیشتووانی شه‌قامی حه‌فتی تیر كاتێك ناڵه و گریانی خه‌ڵك ده‌بیسن ده‌چن به یارمه‌تیانه‌وه و له‌گه‌ڵ هێزه‌كانی ڕژیم به شه‌ڕ دێن.