ڕۆژی سێشه‌ممه ٣ی مانگی خه‌زه‌ڵوه‌ر، هێزه‌كانی وڵاتی ئیسراییل هێرش ئه‌كه‌نه سه‌ر ناوچه‌ی “كه‌رانه‌ی باخته‌ریی” ڕووباری ئۆردون و بەلایەنی کەمەوە شەش فه‌لستینی کوژراون و 20 کەسی دیكه‌ش بریندار بوون.
به‌پێی ڕاپۆرته‌كان، وڵاتی ئیسراییل تا ئێستا ئاماری قوربانییەکانی ئه‌و هێرشه‌ی بڵاو نه‌كردووه‌ته‌وه و بە وتەی بەرپرسانی وڵاتی ئیسرائیل، عه‌مه‌لیاته‌كه بۆ لەناوبردنی “بارەگای سەرەکی چەک” ی گروپی “عه‌رین ئه‌لاسوود” كه به(هێلانەی شێر)ناسراوه ئەنجامدراوه و به‌و هۆیه‌وه هێرشیان كردووه‌ته سه‌ر ئه‌و ناوچه‌یه