پنجشنبه – ۶ تیر – ۱۳۹۸ , 27 – 06 – 2019
فڕۆكه جه‌نگییه‌كانی توركییه ڕۆژی چوارشەممە ٥ی مانگی پووشپه‌ڕ، به‌بیانوی بۆردومانکردنی پێگەکانی گه‌ریلاكانی پارتی کرێکارانی کوردستان “په‌كه‌كه”، ئۆتۆمبێلی هاوڵاتییه‌كیان له ده‌ڤه‌ری برادۆست كرده ئامانج و بەهۆیەوە كه‌سیك كوژرا و كه‌سێكی دیكه‌ش برینداربوو.
به پێی ڕاپۆرته‌كان، ئێواره‌ی ڕۆژی چوارشه‌ممه فڕۆکە جەنگییەکانی توركییه بۆردومانی ناوچه‌ی “گۆشین”ی ده‌ڤه‌ری برادۆستیان كرد و بەهۆیەوە كه‌سێك به‌ناوی مه‌نسور نافع كه كارمه‌ندی پۆلیسه گیانی له‌ده‌ستدا و براكه‌شی كه سه‌رنشینی ئۆتۆمبێلەکە بووە، به‌ناوی په‌شێو نافع بریندار بووه. ئه‌وه له‌كاتێكدایه كه فڕۆكه جه‌نگییه‌كانی توركییه به‌بیانوی چالاكییه‌كانی گه‌ریلاكانی په‌كه‌كه ده‌ڤه‌ری برادۆست بۆردومان ده‌كه‌ن و به‌وهۆیه‌شه‌وه تائێستا به‌ده‌یان كه‌س له‌خه‌ڵكی ناوچه‌كه گیانیان له‌ده‌ست داوه.