به‌پێی ڕاپۆرته بڵاوكراوه‌كان، ئه‌رته‌شی توركییه هێرشی زەمینی كردووه‌ته سەر ناوچەکانی سنووری پارێزگای دهۆک و لە چەند ناوچەیەک روبەڕوبونەوەی سەربازیی لێکەوتوەتەوە.
به پێی ئه‌م ڕاپۆرته، له چه‌ند شوێنێكی سنووری دهۆک روبه‌ڕوبونه‌وه‌ی چەکداریی له‌نێوان هێزه‌كانی توركییه و گه‌ریلاکانی پەکەکەدا روویانداوه و به‌هۆیه‌وه حه‌وت گوندی سنووری ناحیه‌ی باتیڤا له قه‌زای زاخۆ زیانیان به‌ركه‌وتوە و چەند گوندێکیش چۆڵکراون. به وته‌ی سه‌رچاوه‌كانی ئاگادار، بەهۆی بۆردومانی فڕۆكه و تۆپخانەکانی توركییه له سنووری ناحییه‌ی باتیڤا حه‌وت گوند هه‌تا ئێستا زیانیان پێگه‌یشتوە و ژمارەیەک لە هاوڵاتیانی دانیشتووی گوندی كه‌شانێش ئاواره بوون و زه‌ره‌ر و زیانێكی زۆری مادیش وه‌به‌ر خانوو و ڕه‌ز و باخی هاووڵاتیانی ناوچه‌كه كه‌وتووه.