ڕۆژی پێنجشه‌ممه ٢٧ی مانگی گه‌لاوێژ، هێزه سه‌ركوتگه‌ره‌كانی كۆماری ئیسلامی بۆ جارێكی دیكه به مه‌به‌ستی ڕووخانی ماڵی هاووڵاتییه‌كی خه‌ڵكی بۆكان هێرشیان كرده سه‌ر بنه‌ماڵه‌كه‌ی.
به‌پێی زانیارییه‌كان، شارەدارى بە پشتیوانى ناوه‌نده ئه‌منییه‌كان حوکمى قه‌زایی وه‌رگرتووه بۆ ڕووخانی ماڵى ئەم هاووڵاتییە و ئێستا بۆ جارى دووهه‌م دەیانهەوێت ماڵەکە به‌سه‌ر خۆی و بنه‌ماڵه‌كه‌یدا بڕۆخێنن. چەند ڕۆژ له‌وه‌پێش حەسارى ماڵەکەیان تێکداوە و ئێستا هاتوونەتەوە بۆ وێرانکردنى ماڵەکەی. ئه‌و هاووڵاتییه داوا له خه‌ڵك ده‌كات بچن به هانایه‌وه و یارمه‌تی بده‌ن و ڕێگری بكه‌ن له ئاواره‌بوونی بنه‌ماڵه‌كه‌ی.