ڕۆژی یەکشەممە 8ی مانگی خاکە لێوە، لە ئاکامی هێرشی خۆیناوی، گرووپێكی چەکداری ئیسلامی بۆ شاری پاڵما لە باکوری وڵاتی موزامبیک زیاد لە 30 کەس گیانیان لە دەست داو 7 کەسیش بریندار بوون.
وتەبێژی دەوڵەتی موزامبیک ڕایگەیاندووە لە ئاکامی هێرشەکە دا ژومارەیەکی بەرچاو لە کرێکارانی بیانی بێسەروشوێن بوون. بە وتەی کاربەدەستانی دەوڵەتی تەنها لە ساڵی 2020، لە ئاکامی هێرشی گرووپە ئیسلامییەکان، زیاتر لە 2000 کەس کوژراون و 430 کەسیش بریندار بوون.