سه‌ر له به‌یانی ڕۆژی چوارشه‌ممه ١٩ی جۆزه‌ردان، ئه‌رته‌شی ئیسرائیل هێرشی كرده سه‌ر بنكه و باره‌گاكانی سپای قودس له سووریه و لانیكه‌م ٨ كه‌س له هێزه‌كانی ڕژیم كوژران.
به پێی ڕاپۆرته‌كان، ئه‌م هێرشه له ئاسمانی لوبنانه‌وه ڕوویداوه و بنكه سه‌ربازییەکانی سپای قودسی له شاره‌كانی لازقییه، بانیاس، حه‌مه‌س و ده‌مه‌شق كردووته ئامانج كه به پێی دیده‌بانی مافی مرۆڤی سورییه لانیكه‌م ٨ كه‌س له هێزه‌كانی سپای قودس له‌م هێرشانه كوژراون.