سه شنبه – ۱۸ تیر – ۱۳۹۸ , 09 – 07 – 2019
به پێی ڕاپۆرته بڵاوكراوه‌كان، وەزارەتی دەرەوەی ڕوسیه ڕایگەیاند، چاوەڕوانی ئەوەن زانیاریی فەرمییان لەلایەن ئاژانسی نێودەوڵەتیی وزەی ئەتۆمەوە پێبگات، سه‌باره‌ت به تێپەڕاندنی بڕی دیاریکراوی یۆرانیۆمی پیتێنراو لەلایەن ئێرانەوە، جەختی لەوەش کردووەتەوە، مانەوەی رێککەوتننامەکە پەیوەستە بە پابەندبوونی سەرجەم لایەنەکان.
لە راگەیەندراوێکدا وەزارەتی دەرەوەی ڕوسیه ئاماژەی بەوەش کردووە، هەڵسەنگاندنیان بۆ ئەو هۆشدارییانە کردووە کە بەرپرسانی ئێران سه‌باره‌ت به پابه‌ندنه‌بوون به رێژه‌ی دیاریكراوی یۆرانیۆمی پیتێنراوەوە دەیدەن. ڕاشیگەیاندووە، دڵنیان له درێژه‌دان به رێككه‌وتننامه‌ی ئه‌تۆمی، ئه‌گه‌ر بێتو سه‌رجه‌م لایەنه‌كانی رێككه‌وتننامه‌كه به‌رپرسیارێتییه‌كانیان جێبەجێبکەن. ڕۆژی دووشه‌ممه ١٧ی مانگی پوشپه‌ر ڕێکخراوی وزەی ئەتۆمیی ئێران ڕایگەیاند، هەنگاوی سێهەمی چالاکییەکانی بریتی لە بەرزکردنەوەی ئاستی پیتاندنی یۆرانیۆم بۆ ڕێژەی ٢٠ له‌سه‌د دەبێت.