چارهنووسی ههڵبژاردنهكانی ئهمریكا تا ئهو جێگایه كه پهیوهندی به دهنگی بهشدار بووانی ئهو ههڵبژاردنهوه بوو، به سهركهوتنی بایدێن، بهربژێری حیزبی دیمۆكرات، كۆتایی ێپهات. بهڵام نابێ لهبیرمان بچێتهوه كه كۆمهڵگای ئهمریكا یهكجار پۆلاریزهیه و هێشتا به متمانهی كامڵهوه ناتوانین بڵێین كه پڕۆسهی چوونی بایدێن بۆ كۆشكی سپی، ڕهواڵێكی ئاسایی تێپهر دهكات. ترامپ له جهرهیانی تهبلیغاتی ههڵبژاردنهكاندا بهردهوام وتبووی كه یان ئێمه سهردهكهوین و یان ساختهكاری كراوه. ئهو له ڕۆژی كۆتایی ههڵبژاردنهكهدا، تهنانهت بهر لهوهیكه ههژماردنی دهنگهكان كۆتایی پێ بێت، له پاڵ تیمی ههڵبژاردنهكهیهوه دهركهوت و خۆی سهركهوتووی ئهم ههڵبژاردنه پێناسه كرد و له درێژهدا ڕایگهیاند كه دیمۆكراتهكان بهنیازن ئهم سهركهوتنهیان لێ زهوت بكهن. ئهو خوازیاری ڕاگیرانی ههژماردنی دهنگی پۆستی بوو و له ههوڵێكی ناسهركهوتووانهدا، نهیتوانی حوكمی دادگا بۆ ڕاگرتنی ههژماردنی دهنگهكان بهدهست بێنێ. كاتێكیش كه بایدێن شهوی شهممه به كاتی ئهمریكا، پاش ڕاگهیاندنی وهدهست هێنانی دهنگی پێویست له لایهن میدیا ڕهسمییهكانهوه، له حزووری لایهنگرانیدا، سهركهوتنی خۆی ڕاگهیاند، هاوكات ترامپ پێگه كۆمهڵایهتیهكانی خۆی، بانگهێشتی “ئاماده بوون بۆ موقاومهت” كرد و كۆڕهكهی تهنانهت باسی له “ئاماده بوون بۆ شهڕ” كرد. به سهرهنجدان به گشت ئهم ههڕهشه و ئیدیعایانه، ژمارهیهك له یهكیهتیه كرێكاریهكان له ئهمریكا له بانگهێشتێكی هاوبهشدا ڕایانگهیاند كه له ئهگهری كودتای ترامپدا ئهوان دهست دهدهنه ڕێكخستنی مانگرتنی گشتی. ههموو داتاكان نیشانی دهدهن كه ههرجۆره ههوڵێكی ترامپ بۆ بهربهست نانهوه لهسهر ڕێگای بهدهسهڵات گهیشتنی سهرۆك كۆمار و یان ههرجۆره وهحشیگهریهكی پێگه كۆمهڵایهتیهكانی، دهتوانێ بههێزترین وڵاتی ئیمپریالیستی جیهان لهگهڵ قهیرانێكی كۆمهڵایهتی بهرهوڕوو كاتهوه. گشت ئهم ڕووداو و كهش و ههوا خوڵقاوه له باروودۆخێك دایه كه له ماوهی چهند ههفتهی ڕابردوودا، میدیاكانی بورژوازی، شهو و ڕۆژ سهبارهت به “كۆنترین دیمۆكراسیی جیهان” و “ئاخێزگهی دیمۆكراسی“، هات و هاوارێكی زۆریان وهڕێخستبوو. بهدهر لهم ههرا و هوریایانه، ڕاستیهكهی ئهوهیه كه لهو “ئاخێزگهی دیمۆكراسی“هدا تهنیا دوو حیزب، ئهویش به پشتیوانی ماڵیی ملیۆنیی بۆنگا و كۆمپانییهكان، كهمپهینهكانی ههڵبژاردنی خۆیان بهڕێوه دهبهن و هیچ دهرفهتێك بۆ حزووری حیزبێكی دیكه نییه و دهنگی ڕاستهقینه ناخرێته ناو سندووقهكانهوه، بهڵكوو دهنگی “ئهنجومهنی نوێنهران” قسهی ئاخر دهكات. ئهم شێوازه له ههڵبژاردنه، ئهگهرچی بهڕواڵهت لهژێر ناوی پاراستنی مافی ههڵبژاردنی ئهیالهته چكۆلهكان ئهنجام دهدرێ، بهڵام لانیكهم له كێبهركێی ههڵبژاردنهكانی جۆرج بووشی كوڕ و ئهلگۆری جێگری كلینتۆن دا بینیمان كه تهكلیفی نیهایی سپاردرایه دادگای باڵا و یان له ساڵی ٢٠١٦دا سهرهڕای ئهوهیكه هیلاری كلینتۆن پتر له ٢ ملیۆن دهنگی له ترامپ زیاتر بهدهست هێنابوو، بهڵام “ئهنجومهنی نوێنهران“، دهنگهكانی خۆی به قازانجی سهرۆك كۆماریی ترامپ ڕاگهیاند. دیسانیش ههر لهو بهناو سهرچاوهیهی دیمۆكراسیهدا، نزیك به پێنج ملیۆن كهس كه به هۆكاری جۆراوجۆر، له زیندانهكاندا بهسهر دهبهن له مافی بهشداری كردن له ههڵبژاردنهكاندا بێبهرین و دوو سێههمی ئهم ڕهقهمهش له ڕهنگین پێست و لاتینۆكان پێكهاتوون. ههر لهم “سهرچاوهیه“دا، له پهراوێزی شاره گهورهكان، كه شوێنی نیشتهجێ بوونی خهڵكی بهڕهگهز ئافریقایی و لاتینۆكانن، ناوهندی ههڵبژاردنی كهمتر دادهندرێت و تهنانهت كاتژمێرهكانی دهنگدان سنووردارن و ههمووی ئهوانهش، لهڕاستیدا، جهوههری ڕاستهقینهی ئهوهیكه له بڵینگۆكانی بورژوازییهوه “دیمۆكراسی“ی پێ دهوترێ، بۆمان دهردهخات. هاوكات لهگهڵ ئهم ههڵبژاردنه، ڕێفراندۆمێكیش له ئهیالهتی كۆلۆرادۆ بۆ ههڵوهشاندنهوهی ئهم شێوازه له دهنگدان ئهنجام درا كه به ٥٢ و ١٧ دههۆمی لهسهدی دهنگهكانهوه پهسند كرا و ئهوهش ١٥مین ئهیالهتی ئهمریكایه كه ههتا ئێستا له ڕێگهی بهڕێوهبردنی ڕێفراندۆمهوه دژایهتیی خۆی لهگهڵ ئهم شێوازه له ههڵبژاردن ڕاگهیاندووه. بهڵام گۆڕینی یاسای بنهڕهتی لهمبارهوه پێویستی به ڕهزامهندیی ٣٨ ئهیالهت ههیه.
بایدێن له وتاری سهركهوتنهكهی خۆیدا ڕایگهیاند كه سهرۆك كۆماری گشت خهڵكی ئهمریكایه و له بهرژهوهندی دهنگدهران دیفاع دهكات. ههڵبهت ئهوهش تاكتیكێكی دیكهی نوێنهرانی بورژوازییه كه بهردهوام خۆیان به نوێنهری ههموو خهڵك پێناسه دهكهن و بهرژهوهندی خۆیان، بهرژوهندی خهڵك ناو لێدهنێن. بهڵام كێیه نهزانێ كه بایدێن یهكێك له بهرچاوترین نوێنهره ئولیگارشیهكانی ئهمریكایه و ٦ ساڵی تهواو یهكێك له سێناتۆره دهست ڕۆیشتووهكان و یهكێك له سهرسهخترین داكۆكیكارانی هێرشی نیزامیی ئهمریكا بۆسهر عێراق بووه و ههمووانیش دهزانن كه مۆره سهرهكیهكانی حیزبی دیمۆكرات بهڕاحهتی له پشت پهردهوه، بۆ بهسهركهوتن گهیاندنی ناوبراو، له هیچ پیلانگێڕیهك دژبه بێرنی سهندێرز، ڕێبهری باڵی چهپی ئهم حیزبه، دهریغیان نهكرد. له ڕاستیدا شانسی بایدێن بۆ سهركهوتن لهو ههڵبژاردنهدا ئهوه بوو كه له بهرامبهر كهسێكی فاشیست و ڕاسیست و دژه ژنی بهتهواو مانادا دهركهوت و ترامپ پاش چوار ساڵ، تهنانهت بۆ هێندێك له كاربهدهستانی سهرهكیی حیزبی كۆماریخوازیش، مۆرهیهك بوو كه گشت نهزمی سیاسیی ئهمریكای بردبووه ژێر پرسیار و درێژهی سهرۆك كۆماریی ئهو دهیتوانی مهترسیی جیدی بۆ ئهم نهزمه سیاسیه بێت. شانسی بایدێن لهوهدا بوو كه بهتایبهت لهو مانگانهی دواییدا پتر له ههموو كاتێك بێ توانایی ترامپ له بهڕێوهبهریی قهیرانی كۆرۆنا ئاشكرا ببوو. كارنامهی بهڕێوهبهریی ترامپ، لهو قهیرانهدا بریتی بوو له: ٩ملیۆن و ٧٠٠ ههزار تووش بووی كۆرۆنا و پتر له ٢٣٤ ههزار قوربانیی ئهم نهخۆشیه، بێكار بوونی پتر له ٤٥ ملیۆن كهس كه بهشێكی زۆریان به بێ وهرگرتنی حقوقی بێكاری ئاوارهی شهقامهكان بوون. ههڵبهت ئهوهش خۆی دهركهوتهیهكی دیكهیه له سیاسهتهكانی ترامپ كه نه تهنیا نهیتوانی قهیرانی ئابووری كۆمهڵگای پێ سووك بكات، بهڵكوو بێبهزهیانه، باری ئهم قهیرانهی لهسهر شانی ملیۆنان كهس له حهقدهست وهرگران و بێبهشانی كۆمهڵگا، قورستر كرد.
ئاشكرایه كه بایدێنیش نه وڵامێكی بۆ پرسی جیهانیی دامركانی هێژمۆنیی ئیمپریالیسمی ئهمریكا ههیه و نه وڵامێكی بۆ شكستی نێئۆلیبڕالیسم له پانتایی جیهانی و كاریگهریهكانی لهسهر ژیانی ملیۆنان كهس كه بههۆی ئهم سیاسهتانهوه خراونهته پهراوێزی كۆمهڵگای ئهمریكاوه، ههیه. ئهوهش له باروودۆخێك دایه كه لهسهر كار لاچوونی ترامپ به مانای پاشهكشهی پایه كۆمهڵایهتیهكانی ئهو و به مانای بنبڕ كردنی دوو جهمسهریی لهناو ئهم كۆمهڵگایهدا نییه. ئهوهیكه دیسان خهڵكی ئهمریكا ناچار بوون له نێوان خراپ و خراپتردا، یهكیان ههڵبژێرن، ئاسۆی ڕزگاریی ئهم خهڵكه نییه. ئهوهیكه یهكیهتیی كرێكاری، له ئهگهری كودتای ترامپ دا، بانگهێشتی مانگرتنی گشتی دهكات، ئهوهیكه بزووتنهوهی “گیانی ڕهشپێستهكان بایهخی ههیه” بهردهوام له كۆمهڵگادا حزووری ههیه، خاڵێكی هیوابهخشه كه دهتوانێ له جهرگهی جهمسهربهندیی ئێستادا، ئاسۆیهكی دیكه له بهرامبهر كۆمهڵگادا بكاتهوه. ئاسۆیهك كه نه تهنیا له وڵاتی ئهمریكا، بهڵكوو له چوار سووچی جیهانی سهرمایهداریدا زهروورهتی پهیدا كردووه. پێویسته بۆ ئهم ئاسۆیه دهست بدهینه نهبهرد و خهبات. بێگومان بژاردهیهكی لهوه شیاوتر، لهپێناو ڕزگاری له كۆیلهتیی مۆدێرن، بوونی نییه.