به پێی ڕاپۆرته‌كان، به‌هۆی بارینی به‌خوڕی باران و هه‌ستانی لافاو له پارێزگای “حۆده‌یده” له ڕۆژئاوای یه‌مه‌ن، لانیكه‌م ١٣ كه‌س گیانیان له‌ده‌ستداوه.
شایانی باسه، ئه‌م بارانانه له ڕۆژی هه‌ینییه‌وه ده‌ستی پێكردووه و ژیانی ئاسایی خه‌ڵكی په‌ك خستووه. به پێی ئه‌م ڕاپۆرته، هه‌ستانی لافاو له شاره‌كانی ئه‌لزه‌هرا، قه‌ناوس و ئه‌ل له‌حییه بووه‌ته هۆی گیان له‌ده‌ستدانی ١٣ هاووڵاتیی و زیانێكی زۆری مادی لێكه‌وتووه‌ته‌وه.