“مەجید بیگلەریان” بەڕێوبەری ناوەندی قەیرانەکانی ئوستانی ئیلام ڕۆژی هەینی ڕایگەیاند، بەهۆی هاتنی شەپۆلی نوێی خۆڵبارینەوە ئوستانی ئیلام بەگشتی لە دۆخێکی خراپدا بەسەر دەبات و ئاستی پیسبوونی هەوای شاری مێهرانیش بۆ ٢ هەزار و ٦٨٧ میکرۆگرام لە مەترێکی چوارگۆشەدا تۆمار کراوە.
بەپێی ڕاپۆرتەکان، ئەو ڕێژە لە پیسبوونی هەوای شاری مێهران ١٧ بەرانبەر زیاتره لە حاڵەتی ئاسایی و شاری ئەیوانیش بە تۆمار کردنی ٦١٥ میکرۆگرام لە مەترێکی چوارگۆشەدا بە دووهەم شاری ئەو ئوستانە دادەنرێت کە کەش و هەوایەکی ناتەندرووستیان هەیە و ئەمەش نیگەرانیەکی زۆری لای دانیشتووانی ئەو دوو شارەدا درووست کردووە.