ڕاپۆرته‌كان باس له‌وه ده‌كه‌ن كه سێ هاووڵاتیی خه‌ڵكی شاری ورمێ بە ناوەکانی “مەسعوود حاجی‌زادە” تەمەن ٤٤ ساڵ، “کەیوان ڕەشۆزادە” تەمەن ٢٦ ساڵ و “ئومید سەعیدی” تەمەن ٢٥ ساڵ، كه لە زیندانی ناوه‌ندی ئه‌مشاره ڕاگیراون، هیچ زانیارییه‌ك له چارەنووسیان به‌رده‌ستدا نییه.
شایانی باسه، ئه‌م سێ كه‌سه بۆ ماوەی ١٠ مانگه لە زیندانی ورمێ ڕاگیراون و لەو مایەوەدا، لە “دەستپێراگەیشتن بە پارێزەر” بێبەری کراون. “مەسعوود حاجی‌زادە، کەیووان ڕەشۆزادە و ئومید سەعیدی”، ١٠ مانگ له‌مه‌وبه‌ر لە لایەن هێزەکانی ڕژیم دەستبەسەر و پاش تەواوبوونی لێپرسینەوەکەیان، ڕەوانەی زیندانی ناوەندیی شاری ورمێ کراون.