ڕاپۆرته‌كان باس له‌وه ده‌كه‌ن هێزە ئەمنییەکان چەند ڕۆژ له‌مه‌وبه‌ر هاووڵاتییەکی خەڵکی شاری “کامیاران”یان بە ناوی “فەرشاد ڕەحمانی” تەمەن ٣٣ ساڵ دەستبەسەر کرد و هه‌تا ئێستا چاره‌نووسی نادیاره.
به پێی ئه‌م ڕاپۆرته، “فه‌رشاد ڕه‌حمانی” بە تۆمەتی “هاوکاری لەگەڵ یەکێک لە حیزبە نه‌یاره‌كانی ڕژیم” لە لایەن هێزە ئەمنییەکانەوە دەستبەسەر و دواتر بۆ لێپرسینەوە ڕەوانەی ئیدارەی ئیتلاعاتی شاری سنە کراوە. ئه‌مه له‌كاتێكدایه كه هەتا کاتی بڵاوبوونەوەی ئەم هەواڵە، هیچ زانیارییەک لە چارەنووسی ناوبراو لە بەردەستدا نییە.