هاووڵاتییه‌كی خەڵکی مەریوان کە دوو حه‌فته له‌مه‌وبه‌ر لە شاری مەریوان له لایه‌ن هێزه ئه‌منییه‌كانه‌وه دەستبەسەر کرابوو، تا ئێستا چارەنووسی نادیارە.
بە پێی ڕاپۆرتی ناوەندی مافی مرۆڤی کوردستان، دوکتور “ئومید مودەڕسییان” پزیشکی ددان و لە چالاکانی بەرەنگاربوونەوەی ماددە هۆشبەر له شاری مەریوان، ڕۆژی دووشەممە ٢ی ڕێبەندانی ئه‌مساڵ لە لایەن هێزەکانی ئیدارەی ئیتلاعاتی مەریوان دەستبەسەر و بۆ ئیدارەی ئیتلاعاتی شاری سنە گوازرایەوە .شایانی باسه، له كاتی ده‌ستبه‌سه‌ركرانییه‌وه هه‌تا ئێستا، هیچ زانیارییه‌ك له چاره‌نووسی ناوبراو له به‌ر ده‌ستدا نییه.