کۆمەڵێک لە کرێکارانی پێترۆشیمی پارسی عەسەلویە، لە ناڕەزایەتی بە بێکارکرانی دوازدە کەس لە هاوکارەکانیان، گردبوونەوەیان ئەنجام دا.
بە وتەی کرێکارانی ناڕازی، بیانووی شیرکەت بۆ دەر کردنی هاوکارەکانیان، بەشدارییان لە مانگرتن دابووە. ئەم دوازدە کەسە لە کاتێک دا بێکار کراون، کە هێشتا حەقدەستی چەندین مانگیان پێنەدراوە. کرێکارانی بەشدار بوو لە گردبوونەوە کەدا، ئەم کردەوەیەی شیرکەتیان ئیدانە کرد و خوازیاری گەراندنەوەی هاوکارەکانیان بۆ سەر کار بوون.