پێنج شارومه‌ند به ناوه‌كانی موحسن كه‌ریمی، مه‌حموود ده‌رویشی، یاسر موسه‌وی، ئێسحاق كه‌نعانی و یووسف ئه‌فشاری ماوه‌ی ٢٥ ڕۆژه له‌لایه‌ن ئیداره‌ی ئیتلاعاتی دوورگه‌ی خاركه‌وه ده‌ستبه‌سه‌ر و چاره‌نووسیان به ناڕوونی ماوه‌ته‌وه.
ڕۆژی یه‌كشه‌ممه ٨ی پووشپه‌ڕ، ئه‌و پێنج شارومه‌نده له هێرشی هێزه ئه‌منیه‌تیه‌كانی دوورگه‌ی خارك بۆ سه‌ر ماڵ و شوێنی كاره‌كانیان ده‌ستبه‌سه‌ر كراون. به وته‌ی سه‌رچاوه‌كانی هه‌واڵ، هۆكاری به‌ندكرانی ئه‌و پێنج هاووڵاتیه، ڕه‌خنه‌گرتن له ده‌سه‌ڵات بووه له تۆڕه كۆمه‌ڵایه‌تیه‌كان و بنه‌ماڵه‌كانیان هێشتا نه‌یانتوانیوه چاویان پیان كه‌وێت.