ژنێکی هاووڵاتیی خەڵکی شاری مەهاباد بە ناوی “ناهید حاجەتمەند” نزیک بە دوو حه‌وتوویه له‌لایه‌ن ئیداره‌ی ئیتلاعاته‌وه ده‌ستبه‌سه‌ر كراوه و تا ئێستا هیچ زانیارییه‌ك سه‌باره‌ت به چاره‌نووس و شوێنی ڕاگیرانی له‌به‌رده‌ست دا نییه.
بەپێی ڕاپۆرته‌كان، “ناهید حاجەتمەند”ی تەمەن ٤٠ ساڵ ڕۆژی شەممە ٩ی مانگی گوڵانی ئه‌مساڵ لەلایەن هێزەکانی ئیدارەی ئیتلاعاتی مهاباده‌وه بەبێ هیچ بەڵگەیەکی یاسایی و دادوەری دەستبەسەر کراوە. به‌وته‌ی سه‌رچاوه خۆجێیه‌كان، ئەو هاووڵاتییە بە تۆمەتی بەشداری لە شۆڕشی “ژن، ژیان، ئازادی” لەلایەن ئیداره‌ی ئیتلاعاتەوە دەستبەسەر و ڕاگوێزی گرتووخانه‌ی ئه‌و ناوه‌نده ئه‌منیه‌تیه له شاری ورمێ كراوه.