“فه‌یزۆڵڵا شادی” شارومه‌ندی ته‌مه‌ن ٤٧ ساڵی خه‌ڵكی گوندی كه‌وانه‌ی سه‌ر به شاری كامیاران، ماوه‌ی زیاتر له ٣٠ ڕۆژه له‌لایه‌ن ناوه‌نده ئه‌منیه‌تیه‌كانه‌وه ده‌ستبه‌سه‌ر و چاره‌نووسی به ناڕوونی ماوه‌ته‌وه.
فه‌یزۆڵڵا شادی، ڕۆژی ٢٤ی پووشپه‌ڕی ١٤٠٣، له هێرشی هێزه‌كانی حكوومه‌ت بۆ سه‌ر شوێنی كاره‌كه‌ی ده‌ستبه‌سه‌ر و دووكانه‌كه‌ی پۆلۆمپ كرا. ناوبراو له ماوه‌ی ٣٦ ڕۆژی ڕابردوودا له ده‌ستڕاگه‌یشتن به پارێزه‌ر و چاوپێكه‌وتن له‌گه‌ڵ بنه‌ماڵه‌كه‌ی بێبه‌ش و چاره‌نووسی به ناڕوونی ماوه‌ته‌وه. شایانی باسه كه برایه‌كی فه‌یزۆڵڵا له چالاكانی سیاسی ده‌یه‌ی شه‌ست بووه كه له شه‌ڕ له‌گه‌ڵ به‌كرێگیراوانی كۆماری ئیسلامی گیانی به‌خت كردووه.