به‌پێی ڕاپۆرته‌كان، “شوجاع حسێن زادە”، بەڕێوەبەری کەناڵی تێلێگرامی “بانەنیوز” ماوه‌ی چوار مانگه له‌لایه‌ن ئیداره‌ی ئیتلاعاته‌وه ده‌ستبه‌سه‌ر كراوه و هیچ زانیارییه‌ك سه‌باره‌ت به چاره‌نووسی له‌به‌رده‌ست دا نییه.
“شوجاع حسێن زادە”، لە چوار مانگی ڕابردوودا بەبێ بەدواداچوون بۆ دۆسییەکەی لە بەندیخانە ڕاگیراوە. ناوەندە حکوومەتییەکان ئه‌و چالاكه مه‌ده‌نیه‌یان بە تۆمه‌تی “بێڕێزی کردن بە پیرۆزییەکان” دەستبەسەر کردوە و مەترسی سه‌پاندنی سزای قورس به‌سه‌ر ناوبراو له ئارا دایه. جێگای ئاماژه‌یه كه “شوجاع حسێن زادە”، ڕۆژی چوارشەممە ٢ی گوڵانی ئه‌مساڵ لە شاری بانە دەستبەسەر و بۆ ماوەی ٧٠ ڕۆژ لە بەندی تاکەکەسی ڕاگیرا. شەش حەوته له‌وه‌پێش ناوبراو لە گرتووخانه‌ی ئیتلاعاتی بانە بۆ زیندانی ناوه‌ندی سنە ڕاگوێزرا.