سه‌ر له به‌یانی ڕۆژی سێشه‌ممه ٢٧ی جۆزه‌ردان، كۆمه‌ڵێك له چاودێرانی كارتی ئێلكترۆنیكی ئۆتوبووسه‌كانی ته‌ورێز، له ناڕه‌زایه‌تیی به په‌رداخت نه‌كرانی حه‌قده‌سته‌كانیان ده‌ستیاندایه كۆبوونه‌وه.
به‌وته‌ی ناڕازییان، شیركه‌تی ئۆتوبووسڕانی ته‌ورێز و ده‌ورووبه‌ر، هه‌تا ئێستا حه‌قده‌ستی مانگی خاكه‌لێوه و گوڵانی ئه‌مساڵ و هه‌روه‌ها حه‌قی بیمه‌كانیانی به سازمانی ته‌ئمینی ئیجتماعی په‌رداخت نه‌كردووه. ده‌شڵێن: شیركه‌تی ئۆتوبووسڕانی ڕایگه‌یاندووه كه ئه‌م كرێكارانه پێوه‌ندیان به‌م شیركه‌ته‌وه نییه و ده‌بێ شیركه‌یت “ئیمه‌ن مكان” حه‌قده‌سته‌كانیان په‌رداخت بكات.