به پێی هه‌واڵی گه‌یشتوو، كۆمه‌ڵێك له په‌ره‌ستارانی قه‌راردادی به‌شی ئۆرژانس له نه‌خۆشخانه‌كانی شاری سنه، ڕۆژی پێنجشه‌ممه ٢٢ی جۆزه‌ردان، له‌ئاست دواخرانی حقووقه‌كانیان ناڕه‌زایه‌تییان ده‌ربڕی.
هه‌واڵی گه‌یشتوو باس له‌وه ده‌كات كه ئه‌م په‌ره‌ستارانه له پێوه‌ند له‌گه‌ڵ ٨ سه‌عات كاری ڕۆژانه ته‌نیا ٣٠ هه‌زار تمه‌ن وه‌رده‌گرن و ته‌نانه‌ت ئه‌م لانیكه‌می حقووقه‌ش به ته‌ئخیره‌وه په‌رداخت ده‌كرێ. ناڕازییان له‌م كۆبوونه‌وه‌یه‌دا وێڕای ده‌ربڕینی ناڕه‌زایه‌تیی به دواخرانی حقووقه‌كانیان، خوازیاری زیادكردنی ئاستی حقووق و په‌رداختی سه‌روه‌ختی حقووقه‌كانیان بوون.