كۆمه‌ڵێك له شۆفیره بارهه‌ڵگره‌كانی شاری دامغان ڕۆژی یه‌كشه‌ممه ١٤ی مانگی گوڵان، له ناڕه‌زایه‌تیی به دیاری نه‌كرانی ڕێژه‌ی حه‌قده‌سته‌كانیان، ده‌ستیان له‌كار كێشایه‌وه و كۆبوونه‌وه.
به پێی ئه‌م ڕاپۆرته، كرێكارانی ناڕازیی جگه له ناڕه‌زایه‌تیی به دیاری نه‌كرانی ڕێژه‌ی حه‌قده‌سته‌كانیان، له‌ئاست بارودۆخی سه‌ختی كاره‌كه‌شیان ناڕازیین و به‌ده‌ست له‌كار كێشانه‌وه و كۆبوونه‌وه له به‌رامبه‌ر ده‌روازه‌ی بازاڕی ته‌ڕه‌باری ئه‌مشاره، خوازیاری پێڕاگه‌یشتنی كاربه‌ده‌ستان به كێشه‌وگرفته‌كانیان بوون.