كرێكارانی دامه‌زراوه‌ی “فوولادی زه‌ره‌ند”ی كرمان، ڕۆژی شه‌ممه ٥ی ڕه‌زبه‌ر، له ناڕه‌زایه‌تیی به دواخرانی بڕی ٤ مانگ له حه‌قده‌ست و مه‌زایاكانیان و هه‌روه‌ها هه‌ڕه‌شه‌ی ده‌ركردن له‌سه‌ركار له لایه‌ن كارفه‌رما، ده‌ستیاندایه كۆبوونه‌وه.
كرێكارانی ناڕازیی پڕۆژه‌ی جاده‌ی “زه‌ره‌ند ـــ كرمان” وێڕای ئاماژه به دواخرانی حه‌قده‌سته‌كانیان ڕایگه‌یاندووه: به‌هۆی په‌رداخت نه‌كرانی حه‌قده‌ست و مه‌زایاكانیان له‌بارودۆخێكی زۆر دژواردا به‌سه‌ر ده‌به‌ن و ئه‌مه له‌كاتێكدایه كه كارفه‌رما پێیان ڕاگه‌یاندووه: ئه‌گه‌ر به‌ردوام بن له ده‌ربڕینی ناڕه‌زایه‌تیی، له‌سه‌ر كار ده‌ریان ده‌كات.