ژماره‌یه‌ك له كرێكارانی په‌یمانی فه‌زای سه‌وزی عه‌سه‌لویه، ڕۆژی سێشه‌ممه ١٥ی ڕه‌زبه‌ر، له ناڕه‌زایه‌تیی به نه‌بوونی بیمه و له‌خواره‌وه بوونی ڕێژه‌ی حه‌قده‌سته‌كانیان، ده‌ستیاندایه كۆبوونه‌وه.
شایانی باسه، كرێكارانی په‌یمانی فه‌زای سه‌وزی عه‌سه‌لویه هه‌روه‌ك باقی هاوكاره‌كانیان له بارودۆخی كاریان ناڕازین و هه‌روه‌ها له‌ئاست نه‌بوونی بیمه، له‌خواره‌وه بوونی ئاستی حه‌قده‌سته‌كانیان و به‌كرده‌وه ده‌رنه‌هاتنی گه‌ڵاڵه‌ی ڕیزبه‌ندی كاره سه‌خت و زیانباره‌كان ئێعتڕازیان هه‌یه. به‌وته‌ی كرێكارانی ناڕازیی، به پێی ڕه‌وتی ئاسایی حه‌قده‌سته‌كانیان ده‌بێ به‌ر له پێنجومی هه‌موو مانگێك په‌رداخت بكرێ، به‌ڵام به ته‌ئخیرێكی زۆره‌وه په‌رداخت ده‌كرێ و ئه‌مه‌ش كێشه‌وگرفتێكی زۆریان بۆ خۆیان و بنه‌ماڵه‌كانی پێكهێناوه.