كۆمه‌ڵێك له كرێكارانی شیركه‌تی به‌رقی كرمان، ڕۆژی سێشه‌ممه ١٨ی خه‌رمانان، له ناڕه‌زایه‌تیی به بیلاته‌كلیفی كاری و گوزه‌رانیان، له به‌رامبه‌ر بینای به‌رقی مه‌نته‌قه‌یی كرمان ده‌ستیاندایه كۆبوونه‌وه.
ئه‌م كرێكارانه كه هه‌ركامیان ١٠ تا ٣٠ ساڵ پێشینه‌ی كاریان هه‌یه، ده‌ڵێن: له كاتی سپاردنی شیركه‌ت به كه‌رتی تایبه‌ت، كێشه‌وگرفته‌كانیان چه‌ند به‌رابه‌ر بووه‌ته‌وه. به‌جۆرێك كه ژماره‌یه‌كی زۆریان هێشتا قه‌رارداده‌كانیان نه‌گۆڕاوه. ده‌شڵێن: له‌م بارودۆخه ناله‌باره ئابوورییه‌ی ئێستادا، له مانگی ڕه‌شه‌ممه‌ی پاره‌كه‌وه هه‌تا ئێستا، حه‌قده‌ست و مه‌زایاكانیان په‌رداخت نه‌كراوه.