ڕاپۆرتهكان باس لهوه دهكهن كه سهرهڕای ناڕەزایەتیی و خۆپێشاندانی بەردەوامی خەڵکی ناوچەی “شامات”ی مهاباد بۆ پێشگرتن لە هێنانی زبڵی شاری میاندواو بۆ ناوچهی شامات، کاربەدەستان و بەرپرسان لە جێبەجێکردنی پرۆژەکانیان ههروا بەردەوامن.
بە پێی ئهم ڕاپۆرته، گواستنەوەی زبڵی شاری میاندواو بۆ ناوچە شاخاوییەکانی نێوان ناوچهكانی شامات و شاروێران یەکلابووەتەوە و بڕیار وایە لە داهاتووشدا بەپێی پلانی وەزارەتی ڕێگەوبان و شارسازی زبڵی ناو شاری مهاباد و ژمارەیەک شارۆچکەی دیکە بۆ ئەو ناوچانه بگوازرێتەوە. جێگهی ئاماژەیە، جێبەجێکردنی ئەم پرۆژەیە ناڕەزایەتییەکی زۆری خەڵکی ئەم ناوچەیەی لێکەوتۆتەوە و پێیان وایە یەکێک لەم هۆکارانەیە کە دەبێتە هۆی کۆچی ناچاریی خەڵکی ئاواییهكانی ناوچهكانی شامات و شاروێران.