به پێی ڕاپۆرته‌كان، كۆماری ئیسلامیی لە شاری شنۆ بە ناوی جۆراوجۆرەوە خەریکی کاولکردن و لەنێوبردنی شوێنەوارە مێژووییەکانە و خەڵک بەرانبەر بەو کردەوانەی ڕژیم ناڕەزایەتییان دەربڕیوە.
پاش چەندین ساڵ لە ناسین و ئاشکرابوونی مێـژووی “قەڵـاتگەی ڕیکاوێ” لە گـوندی “حەسەن نوورانـ”ـی شاری شنۆ کە ئاسەوارێکی مێژوویی و کۆنی چاخی “ئورارتوو”یە، سپای پاسدارانی ڕژیمی ئێران له پاره‌كه‌وه تا ئەم چەند ڕۆژەی ڕابردوو دەستی کردووە بە تاڵـان و وێـرانکردنی ئەو شوێنەوارە. شایانی باسه، ڕژیم ئەو شوێنەوارە بەناوی دروستکردنی مەیدانی تیرەوە تاڵان دەکات و دەستی بەسەردا گرتووە. هەروەها هێزەکانی ڕژیم لەو شوێنانەدا پێشیان بە هاتوچۆی خەڵک بۆ ئەو ناوچەیە گرتووه و ناهێڵن خەڵک بڕواتە سەیرانگای “ڕیکاوێ”. ئەو کردەوانەی ڕژیم نیگەرانی و ناڕەزایەتیی خەڵکی ئه‌و ناوچه‌یه‌ی لێكه‌وتووه‌ته‌وه.