كۆمه‌ڵێك له ئاژه‌ڵدارانی شاری كورد، ڕۆژی دووشه‌ممه ١٧ی سه‌رماوه‌ز، له ناڕه‌زایه‌تیی به نه‌بوونی ناوه‌ندێكی دابین كردنی مه‌وادی خواردنی ئاژه‌ڵ له‌مشاره، له به‌رامبه‌ر جه‌هادی كه‌شاوه‌رزی شاری كورد ده‌ستیاندایه كۆبوونه‌وه.
به پێی ڕاپۆرته‌كان، ناڕازییان ڕایانگه‌یاندووه: به‌رپرسان هیچ سه‌رنجێك به خواسته‌كانیان ناده‌ن و به‌جێگه‌ی پێڕاگه‌یشتن به كێشه‌وگرفتی ئاژه‌ڵداران، پێیان ڕاگه‌یاندوون كه “بڕۆن و به قیمه‌تی ئازاد خواردنی ئاژه‌ڵه‌كانتان دابین بكه‌ن.” ناڕازییان ڕاشیانگه‌یاندووه: ئه‌گه‌ر به‌رپرسانی شاری و ئۆستانی به خواسته‌كانیان ڕانگه‌ن، ده‌ست ده‌ده‌نه كۆبوونه‌وه‌ی به‌ربڵاوتر.