ڕۆژی یه‌كشه‌ممه ٦ی مانگی خه‌رمانان، مورغدارانی هه‌رێمی كوردستان له‌ئاست كه‌مته‌رخه‌می و بایه‌خ نه‌دانی به‌رپرسانی هه‌رێم به كێشه و گرفته‌كانیان ناڕه‌زایه‌تیان ده‌ربڕی و ڕایانگه‌یاند: ئەگەر گرفتەکانیان چاره‌سه‌ر نەکرێت، ٨٠ ملیارد دینار زیان ده‌كه‌ن و نزیکەی ٥٠٠ هەزار كرێكار، بێکار و مایه‌پووچ ده‌بن.
ڕۆژی یه‌كشه‌ممه مورغدارانی هه‌رێمی كوردستان له‌به‌رده‌م پاڕله‌مانی هه‌رێمی كوردستان كۆبوونه‌وه و یادداشتێكیان بۆ چاره‌سه‌ری كێشه‌كانیان، ئاراسته‌ی نوێنه‌رانی پاڕله‌مان كرد. مورغداران خوازیاری دابینكردنی پێداویستییه‌كانیان له‌وانه “سووته‌مه‌نی و خۆراك” له‌لایه‌ن حكوومه‌تی هه‌رێمه‌وه و هه‌روه‌ها كه‌مكردنه‌وه‌ی گۆمرۆك بوون. مورغداران ده‌ڵێن: تێچووی به‌رهه‌مهێنانی هه‌ر كیلۆ مریشكێك سێ هه‌زار دیناره به‌ڵام نرخی هه‌ر كیلۆ مریشك له بازاڕدا هه‌زار و ٨٠٠ دیناره و هه‌ر به‌و هۆیه‌شه‌وه زیانێكی زۆریان به‌ركه‌وتووه و ئه‌گه‌ری مایه‌پووچبوون و بێكاری ٥٠٠ هه‌زار كرێكار، له‌داهاتوویه‌كی نزیكدا زۆره.