ڕۆژی ڕابردوو، كۆمه‌ڵێك له ماڵدزراوانی پرۆژه‌ی كینگ مانی له شاری تاران، دژ به بایه‌خ نه‌دانی به‌رپرسانی ڕژیم به داخوازییه‌كانیان كۆبوونه‌وه.
به پێی ڕاپۆرته‌كان، ماڵدزراوانی ناڕازی به‌شداربووی كۆبوونه‌وه‌كه ئاماژه به‌وه ده‌كه‌ن كه سه‌ره‌ڕای باره‌ها كۆبوونه‌وه، ناڕه‌زایه‌تی و تۆمار كردنی سكاڵا دژ به به‌رپرسانی ئه‌و پرۆژه، له لایه‌ن ده‌زگای قه‌زایی ڕژیمی كۆماری ئیسلامییه‌وه نه‌ك ته‌نیا پێڕاگه‌یشتن بۆ داخوازییه‌كانیان ناكرێت، به‌ڵكوو باره‌ها له لایه‌ن هێزه ئه‌منیه‌كانی ڕژیمه‌وه هه‌ڕه‌شه‌ی ساز كردنی دۆسیه‌یان لێ كراوه. له به‌رده‌وامی كۆبوونه‌وه‌كه‌دا ناڕازیان خوازیاری پێڕاگه‌یشتنی دادپه‌روه‌رانه‌ی ناوه‌نده قه‌زاییه‌كانی ڕژیم له سه‌ر دۆسیه‌كه‌یان، سزادانی تاوانباران و هه‌روه‌ها قه‌ره‌بوو كردنه‌وه‌ی زیانه‌كانیان بوون.