ڕۆژی شه‌ممه ١ی ڕه‌زبه‌ر و هاوكات له‌گه‌ڵ كرانه‌وه‌ی قوتابخانه‌كان، كۆمه‌ڵێك له كرێكارانی پڕۆژی قه‌تاری شاری ئه‌هواز له ئاست دۆخی خراپی مه‌عیشه‌ت و پێ نه‌دانی داخوازییه كانیان ناڕه‌زایه‌تیان ده‌ربڕی.
به‌وته‌ی كرێكاران، باروودۆخی په‌یمانكار ناڕوونه و به‌هۆیه‌وه ١٣ مانگ حه‌قده‌ست و مه‌زایای كرێكاران دوا كه‌وتووه، هه‌روه‌ها جێژنانه‌ی ساڵه‌كانی ١٤٠٠ و ١٤٠٢ په‌رداخت نه‌كراوه و خاوه‌نكار هیچ بایه‌خێك به دۆخی خراپی ژیان و مه‌عیشه‌تیان نادات. كرێكارێكی دیكه له‌و باره‌وه ڕایگه‌یاند: هه‌زینه‌كانی خوێندن بۆ منداڵه‌كانمان چه‌ند هێنده چووه‌ته سه‌ره‌وه و توانای دابین كردنی ئه‌و تێچووه‌مان نییه.