ڕۆژی سێشه‌ممه ١٦ی گوڵان، كرێكارانی شاغڵ له ڕیستوورانه‌كانی شیركه‌تی نه‌وتی گه‌چساران له ئاست دۆخی خراپی مه‌عیشه‌تی ناڕه‌زایه‌تیان ده‌ربڕی.
به‌پێی زانیارییه‌كان، كرێكارانی شاغڵ له ڕیستوورانه‌كانی شیركه‌تی نه‌وتی گه‌چساران ماوه‌ی ١٠ بۆ ١٨ ساڵ پێشینه‌ی كاریان هه‌یه، به‌ڵام هێشتا گه‌ڵاڵه‌ی هاوسانسازی حه‌قده‌ست و ڕیزبه‌ندی پیشه‌كانیان بۆ جێبه‌جێ نه‌كراوه. ناڕازیان به وتنه‌وه‌ی دروشم خوازیاری زیادكردنی حه‌قده‌ست به‌پێی ڕێژه‌ی هه‌ڵاوسان، دابینكردنی بیمه‌ی ده‌رمانی كارامه و گۆڕانی دۆخی پیشه‌یی بوون.