به‌یانی پێنجشه‌ممه ٦ی به‌فرانبار، ١٥٠ كرێكاری بێكاركراو له كارخانه‌ی دارووگه‌ری تاران، له ئاست نه‌دانی حه‌قده‌ست و ناڕوونی چاره‌نووسی پیشه‌ییان ناڕه‌زایه‌تیان ده‌ربڕی.
به وته‌ی كرێكاران، ١٥٠ كارگه‌ری ئه‌و كارخانه به ده بۆ ٢٥ ساڵ پێشینه‌ی كارییه‌وه به بیانووی كێشه‌ی دارایی له‌سه‌ر كار ده‌ركراون و ماوه‌ی ١٨ مانگه بیلاتكلیف ماونه‌ته‌وه. به‌پێی زانیارییه‌كان، كرێكارانی بێكاركراو چه‌ندین مانگ حه‌قده‌ست، سه‌نه‌وات و پاداشی دواكه‌وتوویان هه‌یه و خاوه‌نكار له په‌رداختی داخوازییه‌كانیان خۆده‌بوێرێت.