به‌پێی هه‌واڵی گه‌یشتوو، خه‌ڵكی شارستانی شنۆ له ئاست بڕینی به‌رده‌وامی كاره‌با ناڕازین و داوای چاره‌سه‌ركردنی كێشه و گرفته‌كانیان ده‌كه‌ن.
به وته‌ی هاونیشتمانیان، له ٢٤ ساعه‌تی ڕۆژدا ٨ ساعه‌ت به‌رقیان نییه و پچڕانی به‌رده‌وامی كاره‌با، بووه‌ته هۆی سووتانی كه‌لووپه‌له‌كانیان. هه‌روه‌ها نه‌بوونی كاره‌با زیانێكی زۆری لێ داون و ماده خۆراكییه‌كانی نێو یه‌خچاڵه‌كانیان له‌ناو چووه و كاتێك په‌یوه‌ندی به ئیداره‌ی به‌رقه‌وه ده‌گرن، كه‌س وڵامیان ناداته‌وه.