دوای ساڵ و نیوێك بەسەر دەسبەسەری چوار چالاكووانی سیاسی به‌ناوه‌كانی “موحسین مەزڵووم”، “پژمان فاتحی”، “وەفا ئازەربار” و “محەممەد فەرامەرزی” كه تا به ئێستا هیچ زانییارییەك لە دۆخیان و شوێنی ڕاگیرانیان لەبەردەستدا نییە.
به‌پێی ڕاپۆرته‌كان، “موحسین مەزڵووم”، “پێژمان فاتحی”، “وەفا ئازەربار” و “محەممەد فەرامەرزی” ساڵی ڕابردوو له‌لایه‌ن هێزه ئه‌منیه‌تیه‌كانی ڕژیمه‌وه ده‌ستبه‌سه‌ر و بۆ شۆێنیكی نادیار ڕاگۆیزران. جێگای ئاماژه‌یه كه سه‌ره‌رای به‌دوواداچۆنی بنه‌ماڵه‌ی ناوبراوان چاره‌نووسیان به ناروونی ماوه‌ته‌وه و هه‌روها لە مافی چاوپێكەوتن، پارێزەر و پێوەندیی تەلەفۆنی لەگەڵ بنەماڵەكانیشیان بێبەش كراون.