ڕاپۆرته‌كان باس له‌وه ده‌كه‌ن كه باری تەندروستی “ئیدریس بارزان” خەڵکی شاری پیرانشار، کە له‌كاتی كۆڵبه‌ری بەهۆی تەقەی هێزە نیزامییەکانی ڕژیم لە سنووری بانە پێکرابوو، نالەبارە.
سەرچاوەیەکی ئاگادار له‌م پێوه‌نده‌دا ڕایگه‌یاندووه: ناوبراو پاش برینداربوونی لە سنووری بانە، سەرەتا بۆ ناوەندی دەرمانیی ئەو شارە ڕاگوێزراوە و دواتر بەهۆی قورسی برینەکانییەوە ڕەوانەی نەخۆشخانەی تەورێز کراوە. ده‌شڵێت: ئیدریس بارزان بڕیار وایە بەم زووانە بۆ سێیەمین کەڕەت نەشتەرگەری بۆ بکرێتەوە. جێگه‌ی وه‌بیرهێنانه‌وه‌یه، “ئیدریس بارزان” ڕۆژی چوارشەممە ٩ی ڕەزبەر، له‌كاتی كۆڵبه‌ری له سنووری بانه كه‌وتبووه به‌ر ده‌سترێژی هێزه‌كانی ڕژیم و به‌هۆیه‌وه بە سەختی بریندار ببوو.