له ماوه‌ی چه‌ند ڕۆژی ڕابردوو، “سلبی مەرەندی” پیرەژنێکی تەمەن ٨٠ ساڵی خەڵکی شاری خۆی کە بە لێدانی ٧٠ زەربە شه‌لاق لەلایەن دادگای گشتیی ئەو شارەوە مەحکووم کرابوو، پاش بانگهێشتکردنی لەلایەن نووسینگەی بەڕێوەبەریی سزای دادگوستەریی شاری خۆی، حوکمەکەی جێبەجێ کرا.
ئەو ژنە هاووڵاتییە پاش جێبەجێکردنی حوکمی لێدانی ٧٠ زەربە شه‌لاق، بۆ تێپەڕاندنی ماوەی ٨ مانگ زیندانییە داسەپاوەکەی، بۆ بەندی ژنانی زندانی شاری خۆی ڕاگوێزراوە. ناوبراو دایکی “بێهروز زیناڵ نژاد”، زیندانی گیانبەختکردووی زیندانی خۆی بووە و پاش مانگرتنی لەو زیندانەدا، لە پێنجەمین ڕۆژی مانگرتنگەیدا بە شێوەی گوماناوی گیانی لەدەست دابوو. بەرپرسانی زیندانی خۆی، مردنی ئەو هاووڵاتییان بە خۆکوژی ڕاگەیاندووە و بنەماڵەکەی “بێهروز زیناڵ نژاد”، پاش ڕەتکردنەوەی ئەو هەواڵە بۆ بەدواداچوون سەردانی نووسینگەی بەرپرسی زیندانیان کردووە و لە ئەنجامی هەڵسوکەتی نەشیاوی بەرپرسی زیندان و دادوەری چاوەدێریی زیندان، بووە بەهۆی شەڕ و تێکدانی کەرەستەی نووسینگەی زیندان.