دادگایه‌كی سه‌ربه حوسییه‌كان له یه‌مه‌ن، ٣٠ كه‌سی به تۆمه‌تی “سیخوڕی كردن بۆ “عه‌ره‌بستان”، ڕۆژی سێشه‌ممه ١٨ی مانگی پووشپه‌ڕ به سزای ئێعدام مه‌حكووم كرد.
به‌پێی ڕاپۆرتی هه‌واڵنێریی فه‌ڕانسه، زۆربه‌ی ئه‌م تۆمه‌تبارانه، خوێندكار و هه‌ڵسووڕاوانی سه‌ندیكایی و چالاكانی مه‌ده‌نین كه حوكمی ئێعدامییان له لایه‌ن دادگای سه‌ربه حوسییه‌كان له “سه‌نعا” پێته‌ختی یه‌مه‌ن، به‌سه‌ردا سه‌پاوه. شایانی باسه له ده‌ستپێكی شه‌ڕ و تێكهه‌ڵچوونه‌كان له یه‌مه‌ن له نێوان حوسییه‌كان و هاوپه‌یمانانی عه‌ره‌بی به ڕێبه‌ڕیی عه‌ره‌بستان، هه‌تا ئێستا دادگاكانی شاری “سه‌نعا” كه‌سانێكی زۆریان به تۆمه‌تی “بوونی په‌یوه‌ندیی و سیخوڕی بۆ عه‌ڕه‌بستان” به ئێعدام مه‌حكووم كردووه.