دوشنبه – ۱۰ تیر – ۱۳۹۸ , 01 – 07 – 2019
به پێی ڕاپۆرته بڵاوكراوه‌كان، له ماوه‌ی ڕۆژانی ڕابردوودا، دادگای پێداچوونه‌وه، ١٨ چالاكی مه‌ده‌نی له شاری تاران به زیندان مه‌حكووم كرد.
به پێی ئه‌م ڕاپۆرته، له‌م ١٨ هاووڵاتییه، ١٦یان به یه‌كی ٩١ ڕۆژ حه‌بسی ته‌علیقی و دوو هاوولاتیی دیكه‌ش، به یه‌كی ٩١ ڕۆژ حه‌بسی ته‌عزیری مه‌حكووم كراون. شایانی باسه ئه‌م ١٨ چالاكه مه‌ده‌نییه له مانگی خه‌زه‌ڵوه‌ری ساڵی ٩٤ به‌هۆی به‌شداری له كۆبوونه‌وه‌یه‌ك له به‌رامبه‌ر زیندانی ئێوین، ده‌ستبه‌سه‌ر كرابوون. جێگه‌ی ئاماژه‌یه دادگایی سه‌ره‌تایی ئه‌م هاووڵاتییانه له ڕێكه‌وتی ٢٠ی مانگی ڕێبه‌ندانی ساڵی ٩٤دا، له لایه‌ن لقی ١٠٦٠ی دادگای ڕژیم له شاری تاران به‌ڕێوه‌چوو و دوای ماوه‌یه‌ك زیندان به وه‌سیقه‌ی ٥٠ ملیۆن تمه‌ن و به شێوه‌ی كاتی ئازاد كرابوون.