به پێی هه‌واڵی گه‌یشتوو، سه‌رۆكی ئه‌نجومه‌نی سێنفی مه‌عده‌نه‌كانی به‌رهه‌مهێنانی قیرسرووشتی له گیلان غه‌رب ڕایگه‌یاندووه كه به‌هۆی دابه‌زینی قیمه‌تی نه‌وت، نزیكه‌ی ٩٥ له‌سه‌د بازاڕی فرۆشتنی قیر سرووشتی كه‌می كردووه و ئه‌مه‌ش بووه‌ته هۆی مه‌ترسی بێكاربوونی به سه‌دان كرێكار.
هه‌واڵی گه‌یشتوو باس له‌وه ده‌كات كه “جه‌هانبه‌خش مه‌رجانی” وێڕای ئاماژه به‌وه‌یكه قیمه‌تی قیرسرووشتی پێوه‌ندی به قیمه‌تی نه‌وت له بازاڕه‌كاندا هه‌یه ڕایگه‌یاندووه: قیمه‌تێك كه ئێستا بۆ كڕینی قیرسرووشتی پێمان پێشنیار كراوه، نیوه‌ی قیمه‌تی مانگی ڕابردووه و كه‌مبوونه‌وه‌ی داواكاری كڕینی قیرسرووشتی، كاریگه‌ری ڕاسته‌وخۆی له‌سه‌ر مه‌عده‌نه‌كان بووه و ئه‌گه‌ری هه‌یه كه به‌هۆی ئه‌م بارودۆخه‌وه، ٥٠٠ كه‌س له كرێكارانی ئه‌م مه‌عده‌نانه به كۆمه‌ڵگای بێكارانه‌وه په‌یوه‌ست بن.