ژماره‌یه‌ك له شۆفیر ئۆتۆبووسه‌كانی ناوی شاری ورمێ، ڕۆژی دووشه‌ممه ١ی به‌فرانبار بۆ سێهه‌مین ڕۆژی به‌رده‌ام ده‌ستیان له‌كار كێشایه‌وه و كۆبوونه‌وه.
شۆفیرانی ناڕازیی ده‌ڵێن: تا كاتێك كه شاره‌داریی ورمێ به خواسته‌كانیان سه‌رنج نه‌دات و كێشه‌وگرفته‌كانیان چاره‌سه‌ر نه‌كات، ده‌ست له كۆبوونه‌وه و مانگرتن هه‌ڵناگرن. شۆفیرانی خه‌تی واحیدی به‌شی خسووسی ورمێ، له سێ ڕۆژ له‌مه‌وبه‌ره‌وه به‌هۆی كێشه‌وگرفتی ماڵی ده‌ستیان له‌كار كێشاوه‌ته‌وه و چالاكییه‌كانیان ڕاگرتووه. شایانی باسه، شۆفیرانی ناڕازیی له مانگی خه‌رمانانی ئه‌مساڵیش به‌هۆی كێشه‌وگرفتی ده‌فته‌رچه بیمه‌كانیان ده‌ستیان دابووه كۆبوونه‌وه و شاره‌داری ورمێ پێیانی ڕاگه‌یاندبوو كه ئه‌م كێشه‌یه چاره‌سه‌ر ده‌كات، به‌ڵام هه‌تا ئێستا هیچ كارێك بۆ چاره‌سه‌ركردنی ئه‌م كێشه‌یه نه‌كراوه.