ڕۆژی چوارشه‌ممه ٣٠ی خه‌زه‌ڵوه‌ر، هه‌زاران كرێكاری یونانی ده‌ستیان له‌كار كێشا و ڕێپێوانێكی گه‌وره‌یان دژ به دۆخی سه‌ختی مه‌عیشه‌تی له‌سه‌ر شه‌قامه‌كانی ئاتن به‌ڕێوه برد.
كرێكارانی یونانی له ئاست كه‌می حه‌قده‌ست، چوونه‌سه‌ره‌وه‌ی هه‌زینه‌كانی ده‌رمان و په‌روه‌رده ناڕازین و ده‌وڵه‌ت به هۆكاری سه‌ره‌كی قه‌یرانی ئابووری وڵات ده‌زانن. ڕۆژی چوارشه‌ممه هه‌زاران كرێكاری یۆنانی بۆ دووهه‌مین ڕۆژی به‌رده‌وام دژ به سیاسه‌تی (ڕیازه‌تی ئابووری) ڕژانه سه‌ر شه‌قام و خوازیاری كه‌مكردنه‌وه‌ی هه‌زینه‌كانی ژیان و زیادكردنی حه‌قده‌ست به‌پێی ڕێژه‌ی هه‌ڵاوسان بوون.