کارمەندانى وەزارەتى تەندروستى عێراق ڕۆژی یەکشەممە ٥ی خه‌زه‌ڵوه‌ر به مه‌به‌ستی پاڵپشتیکردنى خۆپیشاندانەکانى چەند رۆژى رابردوو نەچوونە سەرکارەکانیان و مانیان گرتووه.
هاوکات لە پارێزگاى واست خۆپیشاندەران لە دژى خراپى دۆخى ئابورى و نەبوونى خزمەتگوزاریە سەرەتاییەکان خۆپیشاندانیان کردووه و چەند فەرمانگەیەکیان داخستووە. شایانی باسه، خۆپیشاندەران دەرگاى باڵەخانەى قایمقامیەت و ئەنجومەنى شارەوانى هەردوو قەزاى سوێرە و بەدرەیان لە پارێزگاى واست داخستووە.