كرێكارانی شاره‌داریی “سه‌ربه‌نده‌ر” له خوزستان، ڕۆژی شه‌ممه ١٥ی خه‌رمانان، له ناڕه‌زایه‌تیی به په‌رداخت نه‌كرانی بڕی چه‌ندین مانگ له حه‌قده‌ست و مه‌زایاكانیان، ده‌ستیان له‌كار كێشایه‌وه و له به‌رامبه‌ر شاره‌داریی ئه‌مشاره كۆبوونه‌وه.
به‌پێی ئه‌م ڕاپۆرته، ئه‌م كرێكارانه له‌ئاست په‌رداخت نه‌كرانی بڕی شه‌ش مانگ حه‌قده‌ست، بیمه و سه‌نه‌واته‌كانیان ناڕازیین. به‌وته‌ی یه‌كێك له كرێكارانی ناڕازیی، له‌م بارودۆخه ئابوورییه‌ی ئێستادا كه قیمه‌تی پێدوایستییه‌كانی ژیان ڕۆژ له‌گه‌ڵ ڕۆژ گرانتر ده‌بێ، حه‌قده‌ست و مه‌زایای سه‌دان كه‌س له كرێكارانی شاره‌داریی “سه‌ربه‌نده‌ر” چه‌ندین مانگه دواخراوه و ناڕه‌زایه‌تییه‌كانیان هه‌تا ئێستا، هیچ ده‌رئه‌نجامێكی نه‌بووه.